Sonntag, 22. November 2015


AUF DA DONAU ‘S SCHIFFANAKL
MOCHT AUM WOSSA WACKL, WACKL
SCHWIMMT DAHER SO STÜ UND LEISE
TYPISCH AUF SCHINAKLWEISE
AFOCH HI ZU SEINEM ZÜ
WOS A IMMA HI GROD WÜ
AUF DA DONAU SCHWIMMT A BOOT
GENGAN STROM INS ABENDROT
KOMMT VON HAINBURG AUS DA AU
HINTN HOT ‘S AN MOTOR DRAU
DESSWEG’N MOCHAT ‘S KAUM A MÜH
DASS IN WIEN WA IN DA FRÜH
MOTORBOOT WI A ‘S SCHINAKL
HAUN SE ZAUMM SO AUF A PACKL
JETZT NACHDEM SA SICH GETROFFEN
BLEIBT DIE ANKUNFT SICHTLICH OFFEN

.

Samstag, 21. November 2015


MEIN ENGEL SAG WO BIST DU NUR,
ES TICKT DIE ZEIT, SCHAU AUF DIE UHR
 
MEIN ENGEL UND SAG WARUM TUT ES WEH,
DU LOSST MI ALLANE IM REG’N DO STEH
 
MEIN ENGEL, MEIN ENGEL WO BIST DU NUR HIN,
MIA REICHT IS WOSSA SCHON BIS AN DAS KINN
 
I SIEHCH DO DRIM DE ERSTEN WELL'N
DU SOITAST MI WO AUFE STELL'N...

.

Mittwoch, 18. November 2015


UND, DASS MA KANA SOGT I SEI A PESSIMIST, WAUNN E A PESSIMIST WA, MIASSAT I MA WINSCHN, DASS DE MENSCHEIT WEITA AUFBLIEHRT UND DIAFT NET SOG’N: BUASCHN PASSTS AUF, MIA RICHTN UNS NO SÖBA Z’GRUND...

.

Dienstag, 17. November 2015


DA BUAGAMASTA GAUNZ ERBICHT
SI FIA D‘ MARIE A QUÖ‘N VASPRICHT
WAUNN ANA BRAUCHT A PARK-LICKAL
DAUNN BRENNT A HOIT A PARK-PICKAL
GEH BITTE GOARSCHE ES IS SCHO GNUA
HAU DE IND HAPFM UND GIB A RUHA
 
DA BLADE PLOTZT GLEI AUS’N GWANDL
EA HABAT FUAN AUM WIASCHTLSTANDL
ZUM VIEATN MOI A EITRIGE
DE BEILOG ZU SEIM JAGATEE
GEH BITTE GOASCHE, HOST NO NET GNUA
HAUT DE IND HAPFM UND GIB A RUHA
 
WAUNN I IM STOI DEN OX BEDRÄNG
WIAD DEM SOFUAT DA KOBE Z’ENG
EA HOT SO MÄNNLICH MIA GEROCHEN
DO BIN E AFOCH ZUWEKROCHEN
GEH BITTE GOASCHEE, DU BLEDE KUAH
HAU DE IND HAPF, GIB EAM A RUHA
 
MEI OIDE JAUMMAT OHNE END
SI HÄTT EAST UNLÄNGST MI VAWEHNT
ERREGT ERHEBT SIE IHR ORGAN
DRAUF LÄCHELT SIE MICH SÜSSLICH AN
GEH BITTE GOASCHE, GREIF MI NET AU
HAU DE IND HAPFM UND MOCH DUAT BLAU

.

Montag, 16. November 2015


LIEBA GOTT IM HIMME OBEN
I MECHT MI VUA DI NET LOBEN
DOCH ICH FÄND ES ANGEBRACHT
WENN ‘S A FREMDA FÜR MICH MACHT

WILL ICH DOCH IN HIMME RAUF
GIBTS AN KORTNVORVERKAUF?
KAU MAN SITZPLOTZ RESAVIERN?
LOSST DA PETRUS SI LEICHT SCHMIERN?

ALL DIE VIELEN, VIELEN FRAGEN
QUÄLEN SCHON SEIT NOCH MEHR TAGEN
SEIT I SING IN EINEM CHOR
KLINGT MEI STIMM GENUG HERVOR?

DASS I MI OIS SOLOSÄNGA
KENNT VUA D’ EASTE REIH DUAT DRÄNGA
WAUNN SCHO DO NET, HIER AUF ERDEN,
SOITAT OM AUS MIA WOS WERDEN

WIAS SO AUFE SCHAUN AUS WIEN
SOINS GLEI SEH’N WER I DO BIN
MEHR OIS WI A BUAGAMASTA
SCHRAMMESTAR MIT GHETTOBLASTA

.

Freitag, 13. November 2015


ES ZOG EIN ANONYMER SCHAS
DER VORHER IM GEDÄRME SASS
IN EINER MENGE
DURCHS DICHTESTE GEDRÄNGE
ER HINTERLIESS EINE SPUR
REINSTER NATUR
KA BISSAL SYNTHETISCH
ZOG ‘S EAM MAGNETISCH
EINE IN D’ NASALN
WIE SUNST DE SCHASALN
WAS DIE MENGE INHALIEAT
DAS GEDRÄNGE STÄRKA SPIAT
WOHER STAMMT DEA STRENGE DUFT
UM DEN TÄTA REISST A KLUFT...AUF
DER LAKONISCH, PFEIFFT DRAUF
SOLL I AUF DA STÖ' VARECKN
NUA WEU GASE IN MIA STECKN
GUAT IS, DASS JETZT KANA RAUCHT
A NET AUN AN PFEIFAL SCHMAUCHT
IS MEI GAS DOCH AUS METHAN
MOCHTS MA JO KA FEIA AN
EA STINKT WEITA FROHEN MUTES
RAUCHVERBOT HAT AUCH WAS GUTES

.

Donnerstag, 12. November 2015


AUF AN FRIEDHOF LIEG’N DE LEICHN
MIT AN SCHLOCHTFÖD NET Z’VAGLEICHN
OISA GAUNZA NEMANAUND
NET DO FUASS UND DUAT A HAUND 

DAFIA MUASS MA A NET SUACHN
WÜ MA WEM NOMOI BESUACHN
DU GEHST AFOCH NUA DUAT HI
WO DU DENKST DO FIND I SI
 
AUFM GROBSTA IST ZU LESEN
WEA IM LEBEN DAS GEWESEN
IN DA EADN UNTN DRUNTA
LIEGT DE LEICH DUAT BUBALMUNTA

 
HAST DU SIE NICHT GLEICH GEFUNDEN
NAU DAUNN DRAH HOIT NO POA RUNDEN
AUNDASEITS WIRST IRGENTWAUNN
EH VON DUAT UNT AUFE SCHAUN
 
DAMIT BLEIBT DA A OPTION
WEU AUM FRIEDHOF BIST JA SCHON...

 
.

NICHT ALLE WUNDEN HEILT DIE ZEIT
BRINGT OFT NUR DAS VERGESSEN
WER DAZU NICHT BEREIT
DER BLEIBT VOM SCHMERZ BESESSEN

 
.

Mittwoch, 11. November 2015


DER WIDERSPRUCH BEMERKT BEWEGT
WIE ER SICH SELBER IN SICH REGT
BIN ICH NUN FÜR? ODER DAGEGEN?
DAS ALLES EINES SPRUCHES WEGEN?
 
OB NUN GESPROCHEN, AUCH IM DRUCK…
EIN WIDERSPRUCH RED‘ IMMER Z’RUCK
SELBST DARGEBRACHT ALS MINNESANG
WÄR ’S ECHO WIEDER WIDERKLANG
 
.

SITZT A ROB HOCH DROM AUM PFEAD
IS DES PFEAD EAM SCHO WOS WEAT
DUACH DES DUAT’N OMAN STEH
BRAUCHATA NET SÖBA GEH
WEU DES PFEAD EAM JO SCHO TROGT
SI DABEI A GOANET BLOGT
BLED DRAU OBA WARAT NUA
WAS VOM DENKMOI A FIGUA

.

Dienstag, 10. November 2015





WAS EIN SCHMETTERLING VERMAG
EINZIG DURCH SEINEN FLÜGELSCHLAG
DASS ER DAS WETTER BEZWANG
VERSUCH ICH SCHON LANG
AN EINEM TAG, EINEM SONNENKLAREN
GEH ICH HINAUS UND LASS EINEN FAHREN
OB DIESES HAUCHERL LEERER LUFT
MIT SEINEM AUSGEPRÄGTEN DUFT
MIR EINEN WARMEN WINTER BESCHERT
NA DEN VERSUCH IST ES WERT
WERD WEITER MICH AN BOHNEN LABEN
WILL EINFACH SCHÖNRES WETTER HABEN
 
.

Montag, 9. November 2015


GIBTS WOS SCHENRES OIS MUSIK
DO IS NIX WOS I DABLICK
ANS NUA G’HÖRAT MIA VABOTN
UND DES SAN DE VÜLEN NOTEN
DIESE BEMMALN AUM PAPIEARL
STENGAN AUFGREIHT WIA AUM SCHNIARL
DUATN TAN S’ MI DAUNN VERWIRREN
DUA MI IN DEN TÖNEN IRREN
DADURCH ERNT I KAN APPLAUS
EHA SCHMEISSN D’ LEIT MI RAUS

.

Donnerstag, 5. November 2015


SCHRIEBAT I JE A BIACHL,
WA DES WIA A ROT’S TIACHL.
ALA SCHO SO VOM TITL HEA:
“..,.! - ......? ....,...(...), .......: ... - ..? ..!“,
FOITS KAUFM AN KEIFA GAUNZ SCHE SCHWEA.

.

VOM SCHICKSOI A KUSS, OISO A SCHICKSOISKUSS,
IS VIA AN KINSTLA FOST A MUSS.
A WAUNN DES BUSSL GOANET SCHMECKT
AUN DEM SAN SCHO DE LEIT VARECKT.
ES BRAUCHT DE DÜNNE, SEIDNE SCHNUR
AUN DEAST DAUNN HÄNGST OIS KREATUR.

ES SEI - DU HOST AN AUNDAN BOSCHA,
AN RICHTIG SCHENAN, GROSSN WOSCHA.
BIST AUSERWÄHLT, A WAUNN ‘S DI HUNST,
OIS BRAVES WEAKZEIG DEINER KUNST.

.


JEDESMOI WAUNN DA IS LEM SO RICHTIG ANE TUSCHT,
DASS D’ SCMHÄHSTAD WIAST UND FIA A WEU DANN KUSCHT,
SO NOCHN EASTN BETROPEZT SEI,
FOIT DA AUF AMOI WIEDA EI:
JA SAKRA DU I LEB JO NO
DO BIN I OBA GAUNZ SCHE FROH.
SCHO SPRINGST WIEDA, HUPFT HIN UND HEA
OIS WAUN  GROD NI WOS G'WESEN WEA
DE NÄCHSTE WATSCHN KUMMT BESTIMMT
DE WOS DA KANA OBE NIMMT.

.

Dienstag, 3. November 2015


WENN MA ZU AN DOKTA GEHT
WEUS GROD NET ZUM BESTN STEHT
STEHT MA VOLLA BAUNGAN
ZEAST MOI IN DA SCHLAUNGAN
 
DAUNN DAZÖHST EAM GAUNZ VATRAULICH
MIA IS VÜLES NET VADAULICH
DRUM QUÖN MI AN HAUFM PLOG’N
I VATROGS NET MIT MEIN MOG’N
 
WOS MEI OIDE FIA MI KOCHT
SCHMECKT OIS WAS AUS OBFOI G’MOCHT
SO WIE I DES IN MIA G’SPIA
HOB I SCHO A MOG’NG’SCHWIA
 
JETZT SOIT MA DEN DOKTA BITTEN
BITTE OLLES NUA NET G’SCHNITTN
BRINGS DA OID’N ‘S KOCHN BEI
UND SCHO SAD’S BESCHWERDEFREI

.

Sonntag, 1. November 2015


DI DAKLATSCHT A HOIBHEAZBRUCH?
HEAST DES IS A BLEDA SPRUCH.
NUA WEU I DI AUGLAHNT LOS
WEAN DA GLEI DE AUGN NOSS?

NAU DU BIST A SCHENA MAU,
SCHAU DI MOI IN SPIEGL AU!
WAUNN WEM ‘S HEAZ BRICHT DAUNN SCHO MIA,
SCHLIESSLICH BIST DU JETZT SCHO STIA
UND I WOA SO SEHA AUM HOFFM
I HÄTT ‘S GROSSE LOS GETROFFM
WAST A GROSSA OITWOANTANDLA
DO IN WOAHEIT BIST A SANDLA


.

EAST AMOI KUMMT: MA ÜBASTEHT
SPÄT DANOCH DAUNN : DRÜBA STEH
WASST JO NET WIAS WEITAGEHT
SOI 'S A WENGAL G’SCHEITA GEH
 
ANS JEDOCH LOSST SI LEICHT LERNEN
NIX IM LEM STEHT IN DEN STERNEN
BIST ZULETZT NET INVALID
BLEIBST DU DEINES GLÜCKES SCHMIED

.